Идрәздә мәдәният хезмәткәрләренең күчмә киңәшмәсе үтте

Идрәз авылы мәдәният йортында мәдәният хезмәткәрләренең күчмә киңәшмәсе үтте. Тәҗрибә уртаклашу, барысын да уртага салып сөйләшү, фикерләрне бүлешү максатыннан оештырылган әлеге чара киләчәктә дә авыл җирлекләрендә дәвам итәчәк. Ул айга бер тапкыр уздырылачак һәм һәр җирлектә булачак. Киңәшмәдә район башкарма комитеты җитәкчесе урынбасары Луиза Сафина катнашты. Ул киләчәктә башкарылачак эшләргә тукталып үтте, чисталык икеайлыгында, "Шәфкатьле Татарстан" акцияләрендә актив катнашырга чакырды. Шулай ук узган эшчәнлеккә нәтиҗәләр ясалды.
Идрәз авыл җирлеге үзешчәннәре хезмәттәшләре өчен күңелле ял концерты да әзерләгәннәр иде. Аларның чыгышларын һәркем яратып карады.