Илдүс Габдрахмановның иҗат кичәсендә апаслылар катнашты

Камал театры сәхнәсендә Татарстанның халык артисты, Апас егете Илдүс Габдрахмановның иҗат кичәсе узды. Биредә аның турында бик матур, җылы сүзләр яңгырады. Әлеге кичәдә Апас районыннан да делегация катнашты. Районның мәдәният бүлеге җитәкчесе Рөстәм Мингазиев һәм танылган якташыбызга беренче сәхнә адымнарын ясарга этәргеч биргән Миләүшә Алиуллина район башлыгы исеменнән теләкләр һәм барлык апаслылардан сәламнәр җиткерделәр. Шулай ук Илдүс Габдрахмановның классташлары да бәйрәмгә үзгә ямь өстәде.
Апаста да танылган якташыбыз Илдүс Габдрахмановның иҗат кичәсе узачак. 16 июньдә 19.00 сәгатьтә район мәдәният йортына рәхим итегез!