“Йолдыз” - иң кадерле бүләк

(6 декабрь, “Апастово-информ”).

Ташламалы язылу чорында төрле акцияләр дә оештырыла. Редакциябез белән даими элемтәдә торучы, үзе дә иҗат дөньясында кайнап, язмаларын юллаучы, олы күңелле иганәче Әнсар Галиев бу юлы да авылдашларына “Йолдыз” газетасына подписка бүләк итте. Район газетасы “Йолдыз” 6 ай дәвамында бүләк булып килеп торачак.
“Олы Болгаерда яшәүче сугыш чоры балаларына, үземнең чордашларыма язылу чорында әнә шундый бүләк ясыйм. Район газетасын һәр йортта укысыннар дигән теләктә калам”, - ди Әнсар абый.
“Якыныңа “Йолдыз” бүләк ит!” акциясе дәвам итә.