Иске Әнәледә өлкән буын кешеләрен котладылар

6нчы октябрь көнне Иске Әнәле авылы клуб мөдире, китапханәче һәм фельдшер белән берлектә,өлкәннәр көннәре атналыгы кысаларында, 90 яшьтән узган әби-бабайларның өйләренә барып, хәлләрен белеп, шигырь, мөнәҗәтләр әйтеп, хәлләрен сорашып, күчтәнәчләр өләшеп чыктылар. Өлкән буын кешеләре үзләре дә бик теләп, яшь чакларын искә төшерделәр, тормышларыннан канәгать булып мул тормышта, җылы өйләрендә яшәүләренә шатланып, безгә кушылып яраткан шигырлэрен сөйләп, җырлар җырлап, рәхмәтләр әйтеп калды. Менә шундый мәгнәле көзге матур көн уздырдык без бүген.