Иске Йомралы солдат улын каршы алды

(5 июль, “Апастово-информ“).

Илнар хәрби хезмәткә башкалада политехникум тәмамлагач китә. 1 ел дәвамында танк гаскәрләрендә хезмәт итә.
“Иң элек Свердловск өлкәсендә укулар уздым. Аннан хәрби хезмәтемне Чиләбе өлкәсендә дәвам иттем. Читтә узган 1 ел вакыт зур тәҗрибә мәктәбе булды. Солдат хезмәте бар нәрсәнең кадерен, кыйммәтен белергә өйрәтте, якыннарымны, туган йорт, туган якны сагыну хисе белән очраштым“, – ди ул.
Илнар киләчәктә үзе теләгән эшкә урнашып, тормышта үз урынын табу хыялы белән яна.