Җитезләр дә, осталар да

(10 декабрь, Ландыш Гайнуллина, “Апастово-информ”).

Бу юлы райондашлар шашка-шахмат уеннарыннан тыш, йөзү буенча да җитезлекләрен сынады.
Социаль яклау идарәсе белән район яшьләр эше һәм спорт бүлеге тарафыннан оештырылган әлеге ярышларда райондашлар бик теләп катнаша. Быел да осталыкларын сынарга барлыгы 16 кеше килгән иде. Хатын-кызлар һәм ир-атлар төркемнәргә бүленеп башта шашка һәм шахмат уйнадылар. Аннан бассейнда йөзү буенча җитезлекләрен сынадылар. Ярышлар үзенә күрә бер бәйрәм төсе алды.
“Ел саен ярышларга бик теләп киләбез. Бергә очрашып аралашу өчен үзенә күрә бер сәбәп тә. Барысы да ошады. Традиция өзелмәсен иде”, - дип теләделәр Апастан Илнур һәм Фәнзия Азизовлар.