Караборнашта торак йорт янган

26 февраль кичке сәгать 5ләрдә Караборнаш авылында йорт януы мәгълүм була. Янгын сүндерүчеләр, җаваплы хезмәткәрләр вакыйга булган урынга юнәлә. Ут йөгәнләнсә дә, йорт яраксыз хәлгә килә. Йортта 1958 елгы ялгыз ир-ат яшәгән. Тикшерү барышында аның йорт эчендә тәмәке тартуы, аннан йоклап китүе ачыклана. Хуҗа кеше уянганда йорт төтен белән тулган була инде. Үзе чыгып котыла, ләкин торак җирсез кала. Янгынның сәбәбе - тәмәке тартканда саксызлык дип фаразлана. Янган йорт иминиятләштерелмәгән.