Каратун станциясендә торак йортта янгын чыга

Янгын вакытында ике кешенең гомере өзелгән

17 февраль көнне Каратун станциясендә торак йортта янгын чыга.
18 сәгать 39 минутта районның янгын сүндерү бүлегенә йорт яну турында хәбәр керә. Янгын сүндерүчеләр сүзләренә караганда, йортный верандасы тиз янучан төзелеш материалы белән тышланган, шуңа күрә янгын тиз таралган һәм көчле ис таралган.
Янгынны сүндерү вакытында йорт эчендә ике кеше калуы ачыклана. Дөрләп янган ут йөгәнләнә. Ләкин кешеләрнең гомерен саклап калып булмый. Өлкән яшьтәге авыр хәрәкәтләнүче хатын-кыз диванда утырган халәттә, 43 яшьлек ир-ат кухня идәнендә табыла. 1967 елгы хатын-кыз тәрәзәдән чыгып котыла.
Йортның верандасы электр җиһазы белән җылытылган. Ялкын телләре дә шуннан чыккан, электр җылыткычын кулланганда янгын куркынычсызлыгы кагыйдәләре үтәлмәгән дип фаразлана. Хәзерге вакытта тикшерү эшләре бара.
Ут-күздән сак булыгыз, хөрмәтле райондашлар. Югалтулар бик авыр.