Каратун тимер юл кичүенә видеокамера куелды

Каратун тимер юл кичүенә 3 көн элек ике яклап барлыгы 4 видеокамера куелды һәм махсус элемтә челтәренә ялганды.

Алар светофорда тукталу сызыгына басу, тизлек режимын сакламау, саклагыч каешларны эләктермәү, рульдә килеш телефоннан сөйләшү һәм башка гамәлләрне ерактан ук теркәп, бу факт-видеофотосүрәтне турыдын-туры эфир режимында Казанга ЮХИДИ махсус үзәгенә тапшырып барырга сәләтле. Хәзерге Закон нигезендә тизлек режимы сакламаучыларга, светофор, "Стоп" юл билгесе каршында туктамаучыларга, поездга юл бирмәүче һәм башка таләп-кагыйдәләрне бозучыларга штрафлар бик җитди.

Шундый ук аппаратураны район территориясендәге калган тимер юл кичүләренә дә куеп чыгачаклар.

Ришат Җамалиев.