Каратуннан Илдүс абый Фәсхиев “Челтәр Компаниясе” алдындагы казанышлары өчен” медале белән бүләкләнде

(23 декабрь, “Апастово-информ”).

Илдүс Фәсхиев озак еллар электр челтәрләре оешмасын җитәкләгән һәм районыбызның энергетика тармагы үсешенә зур өлеш керткән шәхес.
“Илшат Фәрдиев кулыннан мактаулы бүләк алуны - зур дәрәҗә итеп кабул иттем. Бик сөендем һәм горурлык хисләре кичердем. Хезмәтемне югары бәяләгәннәре өчен олы рәхмәт”, - дип хисләрен уртаклаша Илдүс абый.
Бүләкләү тантанасы Буа районында Энергетиклар көне уңаеннан үткәрелгән бәйрәм чарасында узды. Шулай ук электр челтәрләре оешмасының өлкән мастеры Апастан Азат Абделвәлиев та “Челтәр Компаниясе”нең Мактаулы хезмәткәре” медаленә лаек булды.