Каратунның “Гөлчәчәк” бакчасы коллективы “Экояз” акциясенә кушылды

(13 май, “Апастово-информ”).

“Гөлчәчәк” балалар бакчасы коллективы узган ел “Экояз” бәйгесендә катнашып җиңү яулаган иде. Быел да алар табигатьне чистарту, балаларны әйләнә-тирә белән таныштыру эшенә кушылдылар.

“Балалар кечкенәдән үк табигатьне яратырга өйрәнеп үсә. Алар үсемлекләр үсүен дә, яңгыр-кар явуын да күзәтә. Бакчада әлеге темага кичәләр дә еш уза”, - ди бакча мөдире Мөнирә Садриева.

Хезмәткәрләр җирлектә узган өмәләрдә дә актив катнаша. Алар агачларны аклау эшенә дә өлеш керттеләр.

#яшәавылымминем