Казанга һәм Апаска Кыш Бабайлар янына

Тукай-Кырлайдагы резиденциясендә татар Кыш Бабае янына балалары белән Апас халкы да кунакка еш йөри. Яңа ел каникулларында ул Казандагы "Туган авылым" этномузей-ял итү комплексына үзе киләчәк. Бу хакта чираттагы брифингта хәбәр иттеләр. Моннан тыш туристлар өчен барлык Казан музейлары, Казан Кремле, Алабуга, Болгар, Свияжск-Град һәм башка бик күп кызыклы урыннарга сәяхәтләр оештырылачак. Алар арасында да апаслылар бик күп булачагына шик юк. Үзебезнең "Туган як", Шәмбалыкчы, Олы Бакырчы, Тутайдагы музейлар да бу чаралардан читтә калмый, әлбәттә. Биредә эшләүче коллективлар музейларда шул исәптән үз балалары өчен дә зур бәйрәм чаралары оештырачак. (0+)
Ришат Җамалиев.