Кече Күккүздән Маһирә әби Бикбулатова котлаулар кабул итте

(20 октябрь, “Апастово-информ”).

Район башкарма комитетының эшләр идарәчесе Ринат Гыйльфанов һәм Зур Күккүз авыл җирлеге башлыгы Рузия Низамова район башлыгы исеменнән котлаулар ирештереп, бүләк һәм чәчәк бәйләме тапшырдылар

Маһирә әби Бикбулатова – 6 бала әнисе. Бүген балаларының кадер-хөрмәтен күреп, олы хасияттә гомер итә.

-Сугыш чоры авырлыкларын да күп күрдем. Әниебез бик иртә вафат булды. Үги әни белән үстек. Колхозда эшләдем, сыер саудым. Эшләп гомер иттек, - ди әби.

Маһирә әби матур җырларын суза, догалар укый. Яшьлек чорларын, тормыш юлын гыйбрәт итеп сөйли.