Кечкенә Инсаф та сайлауга килде

Апасның 879нчы Апас-Октябрь сайлау участогы район мәдәният йорты бинасында урнашкан. Биредә 771 сайлаучы теркәлгән. Биредә дә ерактан ук тәмле шашлык, коймак исе үзенә дәшеп тора. Апас агар көллияте хезмәткәрләре тәмле сыйлары белән кунак итә. Илнур һәм Алия Галәветдиновлар сайлауга 4 яшьлек уллары Инсаф белән килгән.

- Улыбыз иртә белән алтыда ук торып утырды. Үзе тавыш бирмәсә дә, сайлауга барам, дип сөенеп йөрде. Бик теләп тавыш бирдек. Үзебезнең, улыбызның киләчәк тормышы бүгенгедәй матур булсын, - ди әлеге гаилә.