Кичә Казан-Ульян трассасының 51 нче чакрымында булган юл һәлакәтендә Карабай авылы егетенең гомере өзелгән

Фаҗига 3 декабрьдән 4 декабрьгә каршы төндә Олы Мәме авылы тирәсендә була. Яшь егет идарә иткән машина каршы юл полосасына чыгып "Газель" машинасына килеп бәрелә. Нәтиҗәдә, машина белән идарә иткән 22 яшьлек Карабай егете урында үлә. Ә аның белән янәшәдә баручы кыз реанимация бүлегенә озатыла. Машинаның арткы көпчәкләренең җәйге булуы да куркыныч трагедиянең килеп чыгуында төп роль уйнарга мөмкин. Шуңа күрә дә мондый куркыныч бозлавык юлларда җәйге резиналарның зур кайгы-борчулар китереп чыгаруы бар. Ходай сакласын!

Чыганак: http://www.vuslon.ru/ru/component/k2/item/3474

фото:http://yandex.ru/images/search