Кичә Казанда булган янгынның сәбәпләре билгеле

Кичә, 17 ноябрьдә, Казанның Островский урамында урнашкан офис бинасындагы янгынның беренчел сәбәпләре билгеле булды.

ТР Гадәттән тыш хәлләр министрлыгы матбугат хезмәте хәбәр итүенчә, янгын электр җиһазларын монтажлау кагыйдәләре бозылу аркасында килеп чыккан.

Кичә11:04 сәгатьтә Островский 57 адресы буенча урнашкан 4 катлы бинаның чормасы яна башлый. Төтен эченнән янгын сүндерүчеләр бер кешене дә коткаралар. Аны бинаның 3 катында күреп алалар. Янгын тулысынча 16:58 сәгатьтә сүндерелә. Гадәттән тыш хәл белән көрәшергә 85 кеше һәм 19 берәмлек техника җәлеп ителгән.

Чыганаклар:intertat.ru, prokazan.ru.