Коронавирусны өйдә дәвалау өчен дарулар ноябрь уртасыннан бирелә башлаячак

(4 ноябрь, “Апастово-информ”). 

Ноябрь уртасыннан башлап, коронавирус инфекциясен өйдә дәвалаучыларга дарулар бирә башлаячаклар. 
“Амбулатор шартларда дәваланучыларга дарулар бирү тәртибе эшләнде”, - диде Татарстан Сәламәтлек саклау министры урынбасары Фәридә Яркәева. 
Монополиягә каршы хезмәт идарәсенә бәяләрне контрольдә тоту кушылды. 
Исегезгә төшерәбез: Татарстан коронавирус белән авыручыларны бушлай дарулар белән тәэмин итүгә 146,8 миллион сум акча алачак. Бу турыда Карарны Россия Премьер-министры Михаил Мишустин имзалаган иде.