Күршеләренә су аккан. Әби ваннада үлгән...

Бу хәл Уфада Октябрь проспектында урнашкан күп фатирлы йортларның берсендә булган. Олы яшьтәге әби яшәгән фатирдан аскы күршеләренә су ага башлагач, алар коткаручыларга шалтыратканнар. Берьюлы ашыгыч медицина ярдәменә дә хәбәр биргәннәр, чөнки ишек шакыганга ачмаган.

Полиция хезмәткәрләре, коткаручылар, табиблар шундук килеп җитеп, фатирның йозагын ватып кергәннәр. Ваннада 81 яшьлек фатир хуҗасының гәүдәсе табылган. Аның тәнендә пешкән эзләр дә булган. Ә аш-су бүлмәсендә яңарак кына янган чыкканлыгы күзгә бәрелеп торган.

«Күрәсең, кухняда ут капкач, әби сүндерергә тырышып, ванна бүлмәсендә су кранын ачкан. Бу мизгелдә газга исереп егылган, шуннан ваннага су тулып ташкан. Нәтиҗәдә, пенсионер үлгән. Тәрәзәләр тыгыз ябылган булганга, кислородсыз янгын үзеннән-үзе сүнгән", - диләр тикшерүчеләр.

Чыганак: http://shahrikazan.ru/news/kyiskacha-ya%D2%A3alyiklar/krshelren-su-akkan-bi-vannada-lgn