«Кулы терсәгеннән өзелеп чыкты». Нәни малай кулын кер машинасының барабанына тыккан
Түбән Новгород табиблары биш яшьлек баланың гомерен саклап калган. Сабый эшләп торган машина эченә кулын тыккан булган.
Бу турыда «Вести» каналы хәбәр итте.
Идел буе тикшеренү медицина университеты матбугат хезмәте хәбәр иткәнчә, фаҗига 24 июльдә Семенов шәһәрендә була. Малай кер юа торган машинаны эшләтеп җибәрә. Аннары кулын барабан эченә тыга. Баланың кулы терсәгеннән өзелеп чыга. Сабый бик күп кан югалта. Аны вертолет белән Түбән Новгород шәһәренә алып киләләр.
Малайга кан салалар, аннары өзелгән кулга реплантация ясыйлар. Бәхеткә, кулны бозга куеп торган булганнар. Операция дүрт сәгать дәвам итә, уңышлы тәмамлана. Хәзер балага тагын берничә операция ясарга кирәк. Шулай итеп аның кулында кан әйләнешен төзәтәчәкләр.
«Мондый операцияләр бик катлаулы, тик сирәк очрамыйлар. Ситуация бик җитди, баланың сәламәтлеге өчен дога кылабыз һәм яхшы буласына өметләнәбез», – дигән университет ректоры Николай Карякин.
Следите за самым важным и интересным в Telegram-каналеТатмедиа
Нет комментариев