Линия астындагы үлем

-Татарстанның бер районында юл төзелеше вакытында кузовын күтәрткән килеш бер йөк машинасы 10 килоВольтлы электр линиясе астына килеп керә. Саксызлык шоферга бик кыйммәткә төшә-аны ток суга. Безнең районда да юл төзелеше киң колач белән алып барыла. Эшләрне оештырганда зинһар сак булыгыз. Өзелгән чыбыкны ялгап була, тик менә вакытсыз өзелгән гомерләрне кире кайтарып булмый,-дип кисәтәләр район электр челтәрләре диспетчеры Илдар Таһиров, инженерлар Илдар Биктимеров һәм Алмаз Низамов.

Районда терлек азыгы әзерләү дәвам итә. Бик тиздән кырларга ашлык комбайннары чыгачак. Урак барыбыз өчен дә уңышлы булсын һәм хәвеф-хәтәрсез узсын!

Ришат Җамалиев.