Махсус комиссия балаларның яллары белән таныша

(15 июль, “Апастово-информ”).

“Районыбызның күп балалы, опекун, балигъ булмаган балалы гаиләләрнең өйләренә барабыз. Максатыбыз - балаларның яллары ничек үтүе, нәрсә белән мәшгуль булулары белән танышу. Шулай ук яңа уку елына әзерлек максатыннан ата-аналарның гозерләрен тыңлыйбыз, проблемаларны урыннарда ук хәл итү юлларын эзлибез. Балаларның бүгенге көндә кая, ничек ял итүләрен контрольдә тоту - комиссиянең төп бурычы булып тора”, - ди район башкарма комитеты җитәкчесенең социаль мәсьәләләр буенча урынбасары Луиза Сафина.