Максат - сыйфатлы продукция!

Апастово-информ, 10 ноябрь 2022 - 17:24

827

Апаста “Россия - сыйфат билгеле” (“Россия со знаком качества”) девизы астында Бөтендөнья сыйфат Көне билгеләп үтелде.

(10 ноябрь, “Апастово-информ”).

Апаста район кулланучыларына күргәзмә товарлар тәкъдим ителде. Аеруча халыкны җитештерүчеләрнең яңа пешергән ризыклары җәлеп итте.
“Бөтендөнья сыйфат Көненең максаты - продукциянең һәм халыкка күрсәтелә торган хезмәтләрнең югары сыйфатына ирешү. Чөнки, товар куркынычсыз да, сыйфатлы да булырга тиеш. Шул ук вакытта сатып алучы канәгать тә булсын", - дип белдерде әйдәп баручы белгеч Гөлнара Абдрахманова.