Мөфти җомга намазларын кыскарак тотарга куша

(19 октябрь, “Апастово-информ”). 

Республика мөфтие коронавирустан үзеңне дә, туганнарыңны да саклау максатыннан, имамнарны җомга намазын үткәрү вакытын кыскартыга чакырды. 
“Кыска тотыгыз намазны, аның мәҗбүри өлешен төгәлләгәч, ягъни, фарыз намазын укыгач ук һәм сәламләү төгәлләнгәч үк, таралырга кирәк”, - диде Камил хәзрәт. 
Мәчетләргә килгәндә, бары тик битлектән һәм махсус бияләйдән булырга кирәк. Үзеңнең намазлыгыңны алып килү бик урынлы булыр, дип саный мөфти. Шулай ук, 65 яшьтән өлкәнрәк һәм иммунитеты начарланган, хроник авырулары булган кешеләрне вакытлыча мәчетләргә бармыйча, намазларны өйдә укырга чакырды.