Миңнеханов “Татарстан 24” каналында турыдан-туры эфирда чыгыш ясаячак

(18 май, “Апастово-информ”).

Татарстан Президенты Рөстәм Миңнеханов сишәмбе көнне “Татарстан 24” каналында халыкны кызыксындырган иң актуаль сорауларга җавап бирәчәк.

Бу хакта “Татар-информ” матбугат агентлыгына республика җитәкчесенең матбугат хезмәте хәбәр итте.
“Татарстан Президенты белән әңгәмә узу планлаштырыла”, - диделәр матбугат хезмәтендә. Иртәгә Рөстәм Миңнехановның эшмәкәрләр белән традицион онлайн-очрашуы көтелә. Анда сүз - коронавирус эпидемиясе шартларында кертелгән карантин чаралары вакытында эшмәкәрлеккә ярдәм күрсәтү ысуллары турында сүз барачак.

“Татарстан 24” - тәүлек әйләнәсе эшләп, Республикадагы яңалыклар турында көндәлек сөйли торган информацион телеканал.