Минтайны маринадлап кыздыру рецепты

Кирәкле ингредиентлар: 1 минтай балыгы, 500 миллилитр сөт, 1 йомырка, 4 аш кашыгы он, 2 аш кашыгы манный ярмасы, тәменчә тоз һәм борыч.

Минтай балыгын юып, йөзгечләреннән арындырып, берничә кисәккә бүләргә. Кара борыч сибәргә, сөт салырга һәм шул килеш 1 сәгатькә калдырырга.

Вакыт үткәч, сөтне түгәргә, балыкка йомырка, тәменчә тоз, 2 аш кашыгы он салып бутарга.

Аерым савытта 2 аш кашыгы онга 2 аш кашыгы манный ярмасы кушып, панировка әзерләргә.

Балыкны көнбагыш маенда кыздырырга: кайнар табага тезгәнче, һәр кисәкне панировкада әвәләп алырга кирәк.

Чыганак:https://intertat.tatar/news/mintainy-marinadlap-kyzdyru-recepty-5870230

Фото:Владимир Васильев фотосы «Интертат"