Нәбирә Гыйматдинованың яңа китабына районнардан заказ бирәләр

(10 декабрь, “Апастово-информ”).

“Казан утлары” журналы язучы Нәбирә Гыйматдинованың “Уйламаган көнем юк” дип исемләнгән китабын чыгарды. Социаль челтәрләрдә бу хакта мәгълүмат чыккач, районнардан заказлар килә башлады. Моны журналның баш мөхәррире Рөстәм Галиуллин сөйли.
“Без укучыларны кызыксындырган, аеруча җәлеп иткән әсәрләрне җыйнак кына форматта, хәтта кесәгә сыярлык итеп чыгарырга булдык. Нәбирә Гыйматдинованың әлеге китабы беренчеләрдән булды бу форматта”, - дип сөйли журналның баш мөхәррире.
Кесәгә дә сыярлык бу китапның тышлыгында булган QR-коды буенча укучы социаль челтәрләргә фикер алышуга да күчә ала.