Олы Бакырчы китапханәсендә “Каләмне корал итеп” дип исемләнгән әдәби сәгать узды

(6 март, “Апастово-информ”).

Шәүкәт Галиев исемендәге Олы Бакырчы гомуми белем бирү мәктәбендә Апас районында туып-үскән һәм районыбыз тарихын үзенең әсәрләрендә чагылдырып, районыбызның данын еракларга таратучы бөек язучыларыбызның тормыш юлына, иҗатына багышланган “Каләмне корал итеп” дип исемләнгән әдәби сәгать үткәрелде. Укучылар районыбыз горурлыгы булган әлеге шәхесләр турында “Якташ язучылар” дигән презентация дә карап үттеләр. Шулай ук мәктәп залында бөек язучыларыбыз хөрмәтенә күргәзмә дә оештырылган иде. Балалар бигрәк тә авылдашыбыз Шәүкәт Галиев иҗатына аерым игътибар биреп, аның шигырьләрен дә сөйләделәр. Бу хакта Олы Бакырчы авылы китапханәчесе Гүзәл Мөстәкыймова хәбәр итте.