Олы Болгаер, Әлмәндәр һәм Зур Күккүз авыл җирлекләрендә “Уятыйк авылым кичләрен” дип исемләнгән концерт-тамашалар уза
Әлеге күңелле кичәләр Халыкларның мәдәни мирасын саклау елы уңаеннан һәм мәдәният йорты хезмәткәрләре тарафыннан оештырылган.
(29 июль, “Апастово-информ”).
“Олы Болгаер, Әлмәндәр һәм Күккүз авыл җирлекләре тугыз авылны берләштерә. Без - мәдәният хезмәткәрләре бердәм булып, авылларда концерт-тамашалар әзерләп, халыкны ял иттерергә уйладык. Бәйрәм кичәләре бик күңелле бара. Халык уеннарда бик теләп катнаша. Матур җырлар, күңелле Зәлидә уеннары, бию-такмаклар бер-берсен алышытырып кына тора. Гармунчыларыбыз үзләренең көй-моңнары белән сөендерә. Кичке авылларыбызның гөр килеп торуы авылларның киләчәге булуына өмет уята”, - дип хәбәр итте Әҗем авылы клубы мөдире Гөлнар Сәгытдинова.
Следите за самым важным и интересным в Telegram-каналеТатмедиа
Нет комментариев