Район үз Геройлары белән горурлана

(9 декабрь, “Апастово-информ”).

Илебез өчен зур эшләр башкарган якташыбыз янында район башлыгы урынбасары Ленар Хантимиров булды. Ул ветеранны Ватан Геройлары көне белән котлап, район башлыгы Айрат Җиһаншинның изге теләкләрен җиткерде, хәлләрен сорашты.
Василий Игнатьевич Аверьянов 16 яшеннән тракторга утыра. 40 елга якын, берөзлексез, туган төбәгенең басу-кырларын иңли, ил табынын баетуга үз өлешен кертә. Лаеклы ялга чыккач та яраткан хезмәтенә тугры калып, эшен берничә ел дәвам итә әле.
Василий Игнатьевич Аверьянов 1987 елда беренче II дәрәҗә орден белән бүләкләнә. Берничә елдан соң калган орденнарын ала.