Район үзәк китапханәсенә иганәчедән бүләк

(22 февраль, “Апастово-информ”).

Китап - иң кыйммәтле бүләкләрнең берсе. Борынгыдан китап бүләк итү - үзеңнең хөрмәтеңне белдерү яки танышу мөмкинлеге булып саналган. Шул уңайдан якташыбыз, иганәче Рафис Гаптелганиев китапханәгә Илнур Колчуринның “Бу - мәңгелеккә адым атлау гына…” исемле шигырьләр китабын бүләк итте. Китапханәдә Апас урта мәктәбе укучылары катнашында әлеге китапны тәкъдим итү кичәсе үткәрелде. Әлеге китаплар укучыларга да бүләк итеп тапшырылды.
Бу хакта үзәк китапханәнең социаль челтәрендә язылган.