Районда балаларны 1нче сыйныфка кабул итә башлыйлар

(29 март, “Апастово-информ”).

Район мәгариф бүлегеннән хәбәр итүләренчә, беренче этап 30 марттан 30нчы июньгә кадәр дәвам итәчәк. Бу вакыт аралыгында мәктәпкә беркетелгән территориядә яшәүче, шулай ук укырга өстенлекле хокукы булган балаларның ата-аналарыннан гаризалар кабул ителә.

Икенче этап, 6нчы июльдән 5 сентябрьгә кадәр узачак. Бу юлы кабул итүләр гомуми белем бирү учреждениесенә беркетелгән территориядә яшәмәгән балалар өчен оештырыла.

Гаризаларны мәктәптә килеп, Татарстан һәм Россиянең дәүләт хезмәтләре порталы, “Россия почтасы” аша калдырырга мөмкин.