Районда хәтер көне уңаеннан репрессия корбанын хөрмәтләп бүләкләр тапшырылды

Бүгенге көндә районыбызда реабилитацияләнгән бер кеше яши. Ул - Бибинур апа Бәдертдинова. Район Советы аппараты җитәкчесе Ринат Гыйльфанов район башлыгы, башкарма комитеты исеменнән аңа өйенә барып бүләкләр тапшырып кайтты.
Бибинур апа Бәдертдинова авыр язмыш кичергән өлкән кеше. Сәяси репрессиянең дәһшәтле елларында күргән гаделсезлекләр аның күңелендә хәзергәчә саклана.
“Ул чактагы авырлыкны ил белән күрдек, ил белән кичердек. Бүгенгесе көннән канәгать. Мине шулай олылавыгыз өчен барыгызга да - район башлыгына да, һәр җаваплы кешегә дә олы рәхмәт”, - дип бүләкләрне кабул итеп алды Бибинур апа.