Райондашлар игътибарына: чүп-чар, корыган үлән яндыру тыела

(15 апрель, “Апастово-информ”). 
17 апрельдән янгынга каршы махсус режим кертелүе хакында хәбәр иткән идек. Көчле җил нәтиҗәсендә шторм кисәтүе игълан ителү сәбәпле, янгынга каршы махсус режим бүгеннән үк, ягъни 15нче апрельдән үк, гамәлдә булачак. Бу чорда район территориясендә чүп-чар һәм корыган үлән яндыру тыела, шулай ук учак ягарга да рөхсәт ителми. Бу хакта районның янгын күзәтчелеге бүлегеннән хәбәр иттеләр.