Райондашыбыз Батырлык ордены белән бүләкләнде

(7 ноябрь, “Апастово-информ”).

Хезмәте буенча бронь алу мөмкинлеге булса да, Булат хәрби операциядән читтә калмады. Иң беренче сафларда ук фронтка китте. Райондашыбызның намуслы хезмәте турында әледән-әле хәбәрләр ишетеп тордык. Инде менә якташыбыз алгы сызыкта күрсәткән батырлыгы өчен Батырлык ордены белән бүләкләнде.

-Улыбыз белән чиксез горурланабыз. Бик нык яратабыз. Аның туган якларыбызга исән-сау, Җиңү белән кайтып җитүен зарыгып көтәбез, - диләр әти-әнисе Фәнис абый белән Лилия апа һәм дәү әнисе Гөлфия апа.

Райондашыбыз белән без дә горурланабыз. Аның батырлыгы алдында баш иябез. Рәхмәт сиңа, кыю солдат!