Районның яшь чаңгычылары чаңгы марафонында катнашкан

(18 март, “Апастово-информ”).

Чаңгы марафонында Апас спорт мәктәбенең яшь чаңгычылар да катнашкан. Районның спорт мәктәбеннән хәбәр итүләренчә, спорт мәктәбе тренеры Людмила Познянская җитәкчелегендәге яшь чаңгычылар - Апастан Адилә Гаффарова, Ләйлә Шакирова, Самир Вәлиуллин, Ранис Рамазанов, Ранис Шаһиәхмәтов, Артем Никитин һәм Каратуннан Кәрим Гыймадиев, Әмир Шәрәфиев, Динияр Сираҗиев ярышларда илнең төрле төбәкләреннән килгән чаңгычылар арасында сынатмаганнар. Район данын лаеклы яклаганнар.