Районның “Яшь десантчы” балалар хәрби-патриотик палаткалы лагерьда профилактик-кисәтү чаралары узды

(25 июль, “Апастово-информ”)

Апасның Дәвеш авылында “Яшь десантчы” палаткалы лагере эшли. Биредә балалар өчен төрле спорт чаралары, дискотекалар, хәрби күнекмәләр оештырыла.

Шулай ук балалар өчен төрле кисәтү һәм тәрбия чаралары да уздырыла. Шундыйларның берсе - районның яшьләр эше һәм спорт бүлеге, ФОРПОСТ, “Яшьлек” үзәге хезмәткәрләре тарафыннан “Ришвәтчелеккә, наркотикларга – юк дип әйтик!” һәм “Цифрлы гигиена” темаларына үткәрелде. Биредә яман гадәтләрдән ерак торырга, сәламәт яшәү рәвеше алып барырга кирәклеге хакында сөйләшенде. Бу хакта районның яшьләр эше һәм спорт бүлеге җитәкчесе Ленар Мотыйгуллин хәбәр итте.