Район башлыгы Равил Хисаметдинов Шыгай авылында башкарылучы төзелеш эшләре белән танышты
Шыгай авылын урталай бүлеп агучы Имәлле елгасын тирәнәйтү, чистарту, тирә-юнен төзекләндерү эшләре сентябрь аенда башланып киткән иде. Республика программасы нигезендә башкарылучы әлеге эшне ноябрь аенда төгәлләү бурычы тора.
Район башлыгы Равил Хисаметдинов урында булып эшнең барышы белән танышты, җитәкчеләр белән очрашты.
Шулай ук Шыгай авылы клубын да төзекләндерү эшләре башланып киткән.
–Район бюджетыннан 1 миллион сумлык грант бирелгән иде. Эшләр башланып китте. Бинаның эчке ягы төзекләнә, тәрәзәләр, ишекләр, электр челтәрләре яңара. Төзелеш эшен Фәнис Сафиуллин җитәкчелегендәге егетләр башкара, – диде Сатмыш авыл җирлеге башлыгы Равилә Сибгатова.
Клуб мөдире Дамир Камалиев белдерүенчә, клуб 1996 елда төзелгән. Ул 150 урынга исәпләнгән.
Следите за самым важным и интересным в Telegram-каналеТатмедиа
Нет комментариев