Район мәгариф хезмәткәрләре янгын нәтиҗәсендә йортсыз калган гаиләгә зур ярдәм күрсәткәннәр

Коштавылы авылындагы Вәлиева Тәнзилә хуҗалыгында янгын чыгып барлык йорт-җирләре янып бетте. Район башлыгы ярдәме белән бу гаилә башка йортка урнаштырылды. Ике укучы кыз баласы булган анага район мәгариф бүлеге җитәкчесе Лилия Сәгъдиева җитәкчелегендә мәгариф хезмәткәрләре, "Сәләт" балалар иҗат үзәге коллективы, мәктәп, балалар бакчалары хезмәткәрләре шактый күләмдә матди ярдәм күрсәттеләр. Гаиләдәге бер бала бүген Дәвештәге ял-сәламәтләндерү үзәгендә ял итә.

- Шундый кыен көннәрдә ярдәм иткән һәркемгә без олы рәхмәтебезне ирештерәбез. Ходай барыгызны да бәла-казалардан сакласын, сәламәтлек бирсен, - диде Тәнзилә Вәлиева.

Теләге булган һәркем янгыннан зыян күргән бу гаиләгә ярдәм күрсәтә ала.