Район үзәгендә яңа сафка баскан һәйкәл иганәчеләр ярдәме белән төзелгән

(2 август, “Апастово-информ”).

Ил күләмендә билгеләп үтелгән Хәрби-диңгез флоты көне район тарихына да истәлекле вакыйга буларак кереп калды. Биредә тантаналы төстә Хәрби-диңгез флотында хезмәт итүче райондашларга багышлап һәйкәл ачылды. Ул районыбызның киң күңелле иганәчеләре ярдәме һәм хәрби диңгез флотында хезмәт иткән егетләрнең бердәмлеге белән сафка басты. Һәйкәлне торгызуда булышлык күрсәткән иганәчеләргә район башлыгы Айрат Җиһаншин хөрмәтен белдереп, Рәхмәт хатлары тапшырды.