Районда Бөек Ватан сугышы ветераннарының сафы тагын бергә кимеде

(7 октябрь,"Апастово-информ").

Хәлирахман абый Фәйзрахманов илнең көнчыгыш чикләрен саклаучыларның берсе була. Ул туган авылында 3 классны, Урта Балтайда 7 классны тәмамлый. 1943 елда яшьтәшләре белән хәрби хезмәткә алына. 1945 елга кадәр Монголиядә хәрби бурычын үти, Япония һәм Кытайда хәрби өйрәнүләр үтә. Аннан яңадан Монголиядә, 3 ел Владивостокта, соңрак Удмуртиядә була. Бары тик 1950 елда гына туган якларына кире әйләнеп кайта. Авылда башта атлар карый. Соңрак колхозда амбар мөдире булып эшли. Безгә тынычлык бүләк иткән ветеранның якты истәлеге күңелләребездә мәңге сакланыр.