Районда "Иң яхшы татар теле һәм әдәбияты укытучысы" бәйгесе узды

Бу көннәрдә Борнаш урта мәктәбе һәм Табар-Черкене урта мәктәбе зоналарында "Иң яхшы татар теле һәм әдәбияты укытучысы" Бөтенроссия бәйгесенең муниципаль этабы үтте. Районыбызның 7 мөгаллиме үзләренең һөнәри осталыкларын, уңышлы эш алымнарын күрсәтте, көч сынашты. Бәйгенең Гран-при иясе исемен Апас урта мәктәбеннән Зөхрә Гатауллина алды. Биеш урта мәктәбеннән Миләүшә Әхмәтҗанова 1 нче урынга, Апас урта мәктәбеннән Индира Сафиуллина 2 нче урынга, Борнаш урта мәктәбеннән Альбина Миңнебаева 3 урынга ия булдылар. Кызыл-Тау урта мәктәбе укытучысы Гөлинә Шәрәфуллина, Каратун урта мәктәбеннән Гөлнур Шихабетдинова, Болын-Балыкчы мәктәбеннән Ландыш Сафиуллина бәйгенең номинантлары булып танылдылар.