Районда кабат 5 машина йөртүче җаваплылыкка тартылган

(3 август, “Апастово-информ”).

Юлда кагыйдәләрне бозып хәрәкәт итү һәлакәт килеп чыгу куркынычын тагын да арттыра. Бигрәк тә, руль артына спиртлы эчемлек кулланган хәлдә утыру аеруча аяныч тәмамланырга мөмкин.
Район башкарма комитетының юл хәрәкәте иминлеге комиссиясе хәбәр итүенчә, җәмәгать суды тарафыннан 5 эш каралган.
“Җәмәгать суды И. Кәримов, Д. Йосыпов, Р. Миңневәлиев, М. Бигиев, З. Гәрәев,  1 елда 6 айга машина йөртү хокукыннан мәхрүм итү һәм 30 мең сум күләмендә штрафка тарту турында карар чыгарган”, - диелә хәбәрдә.