Районда тагын бер шахмат зонасы ачылды

(31 март, Ләлә Сафиуллина, “Апастово-информ”).

Шахмат зонасы «Бердәм Россия» Бөтенроссия сәяси партиясенең Татарстан төбәк бүлеге һәм Татарстан Республикасы Дәүләт Советы депутатлары Илшат Гафуров һәм Фәнил Баһаветдинов ярдәме белән булдырылды.
“Районда “Мәгариф” милли проекты кысаларында һәм депутатларыбыз ярдәме белән 20 мәктәптә махсус шахмат зоналары ачылачак. Алар барлык кирәк-яраклар: махсус өстәл-урындыклар һәм сәгатьләр белән җиһазландырыла”, - дип белдерде “Бердәм Россия“ партиясенең җирле бүлекчәсе башкарма секретаре Румия Идрисова.
Чүрибураш мәктәбендә шахмат зонасы тантаналы төстә ачылды. Чарада катнашкан район мәгариф бүлеге җитәкчесе урынбасары Рамилә Шәвәлиева балаларны тәбрик итеп, зур җиңүләр теләде.