Районда үз хуҗалыкларында сыер асраучыларга да азмы-күпме дәүләт ярдәме күрсәтеләчәк

Район авыл җирлекләре һәм район статистика үзәге мәгълүматлары буенча, узган ел халыкта 2275 баш сыер исәпләнгән. Бер башка 2000 сум исәбеннән, авыл җирлекләре төзегән исемлек буенча былтыр сыер асраган кешеләргә барлыгы 4 миллион 550 мең сумлык акчалата субсидия акчалары күчерелгән.

- Үз хуҗалыгында сыер асраучыларга «60 ка 40» дәүләт программасы буенча ташламалы бәяләрдә индивидуаль сыер саву аппаратлары тарату буенча районкүләм программа төзелә, аның шартларын халыкка аерым хәбәр итәчәкбез, - ди район авыл хуҗалыгы идарәсенең финанс-икътисад консультанты Рифгатъ Ибәтуллин.

Фото:http://e-kyzylorda.gov.kz/?q=en/node/127843