Районның мәгариф оешмалары коллективлары башкалада узган ярминкәне оештыруда югары бәягә лаек булдылар

(27 сентябрь, “Апастово-информ”).

Районның мәгариф бүлеге, мәктәп, аграр көллият коллективлары үзләре үстергән авыл хуҗалыгы продукциясен башкала халкына тәкъдим иттеләр. Шулай ук казанлыларны төрле кул эшләнмәләре, күңелле концерт программасы белән дә сөендерделәр. Ярминкәгә зур әзерлек белән килеп, аны оештыруда активлык күрсәткәннәре өчен югары бәя дә алдылар.
Илгизәр Нигъмәтҗанов җитәкчелегендәге Апас аграр көллияте коллективы «Осталар шәһәре – 2021» республика авыл хуҗалыгы продукциясе ярминкә – күргәзмәсендә, мәдәни-массакүләм программасында актив катнашканы өчен Диплом һәм Кубок белән бүләкләнде.
Шулай ук Апас районының мәгариф оешмалары ярминкәдә авыл хуҗалыгы продукциясенең иң яхшы ассортиментын тәкъдим итеп, Дипломга һәм Рәхмәт хатына ия булдылар