Ришвәтчелек өчен җәза катгыйлана

РФ Җинаять Кодексына җитди төзәтмәләр кертелде. Илдә коррупциягә каршы көрәш басымы көчәюен һәр апаслы белеп-күреп тора. Бу төзәтмәләр буенча Кодексның 184, 204 һәм 290 нче маддәләре буенча гражданнарның җинаять җаваплылыгы кискен артты. Ришвәт бирүче һәм алучы арасында арадашчылык итүчеләргә дә Закон таләпләре кырысланды. Ришвәтнең гомуми күләме 10 мең сумнан артмаган очракта да хәзер гаеплеләргә карата аерым җинаять җаваплылыгы каралган,-дип хәбәр итә район прокуроры урынбасары Фатыйх Хафизов.