Роберт Миңнуллин вафат

Апастово-информ, 27 март 2020 - 08:40

1538

Татарстанның халык шагыйре, Тукай, Җәлил, Алиш бүләкләре, Андерсен исемендәге Халыкара Диплом иясе, җәмәгать эшлеклесе Роберт Мөгаллим улы Миңнуллин 72 нче яшендә арабыздан китте.

(Ләйлә Шиһабиева, "Апастово-информ").

Роберт Мөгаллим улы Миңнуллин 1948 елның 1 августында Башкортстанның Илеш районында туган. Озак еллар «Яшь ленинчы» («Сабантуй») газетасын җитәкләде. 1988-1994 елларда – Татарстан Балалар фонды рәисе. 1995-2014 еллларда – Татарстан Республикасы Дәүләт Советы депутаты иде.

Роберт Миңнуллин Апаска яратып килде. Якташыбыз Шәүкәт Галиевне остазы итеп санады. Очрашуларда еш катнашты. Соңгы килүендә, Апаста шигырь кичәсе оештырырга теләге барын да әйткән иде. Кызганыч, бу хыялы тормышка ашмый калды.