Россиядә яшәү минимумы 13 919 сум тәшкил итәчәк

Бу хакта Россия Хезмәт һәм социаль яклау министры Антон Котяков хәбәр итте. «Кайбер пособиеләр һәм түләүләр күләме яшәү минимумы белән бәйле. Президент кабул иткән карар социаль түләүләрне 15 миллионнан артык россияле өчен арттырырга мөмкинлек бирәчәк. Яшәү минимумына бәйле булган кайбер түләүләр автомат рәвештә индексацияләнәчәкләр», дип белдергән Котяков. Ул шулай ук индексациядән соң эшкә яраклы халык өчен яшәү минимумы — 15 172 сум, пенсионерлар өчен — 11 970 сум, балалар өчен 13 501 сум тәшкил итәчәк, дип өстәде.

Чыганак: http://shahrikazan.ru/news/kyiskacha-ya%D2%A3alyiklar/rossiyad-yash-minimumy-13-919-sum-tshkil-itchk