“Садә”ләр башкалага бара

- 5 августта Казанда Бөтендөнья Конгрессы барган көннәрдә Апасыбызның йөзек кашы, бер визит карточкасына әверелеп баручы "Садә" ансамблебезне Казан Кремле диварлары янындагы биниһая матур вә киң зур сәхнәгә чакырдылар. Шуңа "Корама юрган бәхет китерә" исемле чыгышыбызны бик ныклап әзерлибез, -ди Апас мәдәният йорты директоры, ансамбльнең әйдәп баручы солист-җырчысы Земфира Мөхәммәтшина.

- Бер атна элек Биектауда үткән район Сабан туе репертуарында татар халкының бик тә борынгы йоласы - Түгәрәк уенында да катнашып кайттык. Чыгышыбызны бик ошаттылар, кунак итеп, Рәхмәт хатлары биреп озатып калдылар, - диде ул.

Ришат Җамалиев.