Шәһәр тибындагы Апас поселогы башкарма комитеты коллективы өлкән хезмәттәшләрен бәйрәм белән тәбрик итте

(6 октябр, “Апастово-информ”). 
Шәһәр тибындагы Апас поселогы башкарма комитеты җитәкчесе Луиза Сафина өлкән хезмәттәшләренең намуслы хезмәтен билгеләп узып, ихлас тәбрикләүләрен ирештерде. 
“Сезгә хөрмәтебез зур. Бүген дә сез безнең киңәшчеләребез”, - диде Луиза Сафина. 
Өлкән хезмәткәрләр бер-берсе белән аралашып торсалар да, бу көнне аларның сөйләшеп сүзләре бетмәде, хезмәт һәм яшьлек еллары хатирәләре барланды. Иң матур сүзләр, изге теләкләр дә, матур җырлар алар өчен яңгырады.